Kryetari i Partisë Socialdemokrate (PSD), Dardan Molliqaj, e ka etiketuar Kurtin si humbës të madh.
Përmes një postimi në profilin e tij zyrtar në rrjetin social “Facebook”, Molliqaj ka thënë se edhe marrëveshja do të jetë e tillë, pa destinacion, pa zgjidhje finale.
“Ky degradim i shtetësisë së Kosovës e fuqizon frymën e rezolutës 1244. KFOR-i në pushtet kufitar”, shkroi ndër të tjerash Molliqaj.
Këto deklarime të të parit të socialdemokratëve erdhën pas zhvillimeve të dy ditëve të fundit, ku emisarët Lajçak e Escobar po qëndrojnë në Kosovë për ta bindur Kurtin që të gjejë gjuhën e përbashkët me Vuçiqin, pak ditë para 1 shtatorit.
Më poshtë edhe postimi i plotë:
Kurti ky humbës i madh
As i luftës, as i paqes. I tillë është Kurti. E tillë do të jetë marrëveshja.
Pa destinacion final.
Pa zgjidhje të qëndrueshme.
Pa mundësi paqeje mes dy vendeve.
Pa ecje integruese drejt BE.
Pa njohje nga Serbia.
Ky degradim i shtetësisë së Kosovës e fuqizon frymën e rezolutës 1244. KFOR-i në pushtet kufitar.
E kryeministri ka kohë të tallet me opozitën parlamentare. Arrogant. Dëshiron të fitojë luftën e ngushtë lokale, por e ka humbur atë madhore, finalen.