Sulmet izraelite vranë 90 palestinezë në kampin e refugjatëve Jabalia në veri të Gazës të dielën, tha një zëdhënës i ministrisë së Shëndetësisë së Gazës për agjencinë e lajmeve Reuters.
Videot e postuara në internet të asaj që dukej se ishin pasojat e sulmit të fundit izraelit, treguan palestinezët duke gërmuar nëpër rrënoja, për të mbijetuarit me lopata dhe duart e tyre të zhveshura.
Që nga 7 tetori, Izraeli ka sulmuar disa herë kampin e refugjatëve Jabalia.
Pas një prej sulmeve ajrore të Izraelit në kampin e refugjatëve Jabalia muajin e kaluar, zyra e OKB-së për të drejtat e njeriut tha se kishte “shqetësime serioze se këto janë sulme joproporcionale që mund të përbëjnë krime lufte”.
