Ministri për Punët e Jashtme i Indisë ka thënë se “i gjithë vendi është i lumtur që ne u hakmorëm” pas sulmeve ndaj Pakistanit, raporton BBC.

“Vendi ynë u dha një përgjigje të përshtatshme atyre që vranë njerëz të pafajshëm dhe gra të veja”, u tha Kirti Vardan Singh gazetarëve, duke iu referuar sulmit vdekjeprurës ndaj turistëve në Pahalgam muajin e kaluar.

India ka thënë se ka prova që lidhin “terroristët” me bazë në Pakistan me sulmin – një pretendim që Pakistani e mohon.

Singh paralajmëroi se “vendet armike” duhet t’i marrin sulmet si një “mesazh” se India ka “informacion në çdo cep”, pasi Islamabadi raportoi se u goditën gjashtë vende.

“Nëse na duhet të ndërmarrim veprime të tilla në të ardhmen, do ta bëjmë këtë me më shumë forcë”, shtoi ai.