Vendosjen e marrëdhënieve diplomatike me Kosovën, ministri i Jashtëm i Izraelit, Gabi Ashkenazi, e ka cilësuar historike.
Kosova dhe Izraeli edhe zyrtarisht kanë vendosur marrëdhënie diplomatike përmes një ceremonie virtuale, raporton Demokracia.com.
Këtë marrëveshje e ka cilësuar historike edhe ministri i Punëve të Jashtme i Izraelit, Gabi Ashkenazi.
Gabi Ashkenazi për këtë marrëveshje i ka falënderuar Shtetet e Bashkuara të Amerikës (SHBA).
Lexo edhe:
“Sot po e bëjmë historinë dhe për këtë dua të falënderoj Shtetet e Bashkuara të Amerikës. Izraeli dëshiron një Ballkan stabil. Marrëveshja e nënshkruar në Uashington i kontribuon kësaj. Shpresojmë që dialogu mes Kosovës dhe Serbisë do të vazhdojë”, u shpreh ai ndër tjerash.
Dy ministritë e Jashtme kanë nënshkruar edhe një memorandum për konsultime politike dhe një për bashkëpunim zhvillimor.
Njohja e Kosovës nga Izraeli erdhi si pjesë e marrëveshjes midis Kosovës dhe Serbisë të ndërmjetësuar nga administrata Trump në shtator. Marrëveshja përfshinte gjithashtu normalizimin midis Izraelit dhe Kosovës dhe që të Kosova dhe Serbia të hapnin ambasadat e tyre në Jerusalem.
Kosova do të ishte vendi i parë me shumicë myslimane që do ta vendosje ambasadën e saj në Izrael në Jerusalem, dhe bashkë me Serbinë do të ishin vendet e para evropiane që e bëjnë këtë. Deri tani, vetëm SHBA-ja dhe Guatemala kanë ambasadat e tyre në Jerusalem. Shumica e vendeve kanë zgjedhur t’i vendosin dhe t’i mbajnë ambasadat e tyre në Tel Aviv.
Po ashtu ministri Ashkenazi ka publikuar në llogarinë e tij në Twitter, pamje nga momenti i nënshkrimit të njohjes së pavarësisë së Kosovës.
Ai edhe në këtë rrejt social ka bërë të ditur se nënshkrimi i marrëveshjes është një hap shumë i rëndësishëm për të dyja vendet. /Demokracia.com/
1/3
Minister @MelizaHaradinaj and I just signed an agreement establishing diplomatic relations between Kosovo and Israel and we unveiled the sign that will hang at the entrance to the Kosovo embassy in Jerusalem, the capital of Israel. pic.twitter.com/cj2F4TAb2r— גבי אשכנזי – Gabi Ashkenazi (@Gabi_Ashkenazi) February 1, 2021