Minatori Ismet Cimili, që ka qëndruar në grevë prej 10 ditësh, ka konfirmuar se greva është pezulluar, por ai ka paralajmëruar se nëse nuk përmbushen kërkesat e minatorëve grevistë, greva do të rikthehet.

Cimili ka thënë vendimi është marrë në mesnatë, duke shpjeguar arsyet e grevës.

“Kanë ardhë këta të sindikatës ka ora 01:00 e natës. Kanë thënë se do ta në plotësojnë këto kushte, për sigurim shëndetësor së pari, nuk kanë dhënë datë ndërsa për paga e gjëra tjera thanë se do të rregullohen me kohë”, tha Cimili, raporton Ekonomia Online.

“Shpresojmë se rregullohet për pagë e pak kushte më të mira dhe nuk na intereson kush zgjidhet, por që ta marrim pagën me rregull dhe t’i kemi kushtet më të mira sepse kushtet katastrofale i kemi”, u shpreh ai.

Minatori Cimili ka paralajmëruar se do të kthehen sërish në grevë nëse nuk realizohen kërkesat e tyre.

“Njëherë e kemi pezulluar kështu dhe na kanë premtuar se nuk do ta dërgojnë shumë larg, por ta shohim. Nëse nuk plotësohen kërkesat po do të kthehemi”, tha ai.