Miliarderi turk, Muhsin Bayrak, ka pohuar se është afër marrëveshjes për ta blerë skuadrën e Chelseat për një çmim më të ulët nga Roman Abramovich.

Pronari aktual i Chelseat tronditi futbollin evropian javën e kaluar, kur njoftoi se do ta shesë klubin pas pushtimit të Ukrainës nga atdheu i tij, Rusia.

“Njerëzit po flasin për këtë, ne kemi bërë disa përparime në bisedime dhe bota beson se ne kemi një shans 90% për të përfunduar marrëveshjen. Abramovich mendon të njëjtën gjë”, deklaroi Bayrak.

Miliarderi rus ka vendosur një çmim prej 3 miliardë funtesh për klubin që ai ka ndihmuar të kthehet në një nga skuadrat më të mëdha të Evropës në futboll.