Në disa shtete të drejtat televizive për ndeshjet e Kupës së Botës në Katar nuk ofrohen, si për shembull, në Vietnam. Kështu që tifozët e futbollit nga ky vend ranë pre e një mashtrimi duke shikuar një lojë në videolojën e famshme FIFA23, teksa mendonin se po shikonin një ndeshje të Botërorit të Katarit.

Shumë vietnamezë filluan të shikonin një ndeshje të FIFA23 përmes “Youtube”, por më vonë u tronditën kur kuptuan se nuk ishte një ndeshje e vërtetë e Kupës së Botës në Katar, por vetëm një regjistrim i ndeshjes së FIFA 23.

Gazetarët e “El Nacional” kanë publikuar materiale në të cilat kanë rrëfyer të gjithë mashtrimin, njofton portali Sportsport.ba, transmeton Demokracia.com.

Cuando tengas un mal día recuerda que hay miles de personas en Vietnam que han estado viendo partidos de FIFA en YouTube creyendo que eran del Mundial. Tremendo. pic.twitter.com/eMoOYkgu5v

— Luis Fando (@LuisFando) December 4, 2022

Për ta bërë imazhin virtual më të besueshëm, mashtruesit i dhanë lojës një estetikë të vërtetë duke shtuar fjalët “Live” dhe komente në gjuhën vendase.

Bëhej fjalë konkretisht për ndeshjen mes Gjermanisë dhe Japonisë, me këta të fundit që fituan 2:1 me përmbysje./Demokracia.com/