Dhjetëra mijëra njerëz kanë dalë në rrugët e Spanjës në protestën më të fundit kundër spekulimit me banesat dhe për të kërkuar qasje në shtëpi të përballueshme, shkruan The Guardian.

Organizatorët pretendojnë se deri në 150,000 persona iu bashkuan protestës në Madrid, ndërsa protesta më të vogla u mbajtën në rreth 40 qytete anembanë vendit. Protestues nga Málaga në Costa del Sol deri në Vigo në veriperëndim të Atlantikut brohorisnin “mjaft me biznesin e banesave” dhe “pronarët janë fajtorë, qeveria është përgjegjëse”.

Valeria Racu, zëdhënëse e unionit të qiramarrësve në Madrid, bëri thirrje për greva qiraje si ato që janë ndërmarrë kohët e fundit në disa qytete bregdetare të Katalonjës.

“Kjo është fillimi i fundit të biznesit me banesat,”tha Racu. “Fillimi i një shoqërie më të mirë, pa pronarizëm dhe pa këtë sistem parazit që na gllabëron pagat dhe burimet tona.”