Raportet po dalin se mijëra banorë në rrethin Levoberezhny të Mariupol po dërgohen me forcë në Rusi, ka pohuar Këshilli Bashkiak i Mariupolit.

Këshilli pretendon se 15,000 banorë në qytet janë dëbuar ilegalisht deri më sot, ndërsa lufta në Ukrainë hyn në ditën e saj të 29-të. Ata që janë dëbuar fillimisht u dërguan në një të ashtuquajtur kamp filtrimi përpara se të detyroheshin të hipnin në autobusë jashtë rajonit.

“Banorët e distriktit të Bregut të Majtë kanë filluar të dëbohen masivisht në Rusi. Në total, rreth 15,000 banorë të Mariupolit i janë nënshtruar dëbimit të paligjshëm,” tha Këshilli Bashkiak i Mariupolit në një deklaratë të lëshuar të enjten, përcjell dosja.

Mariupol, në Ukrainën juglindore, është përballur me peshën kryesore të agresionit rus që nga 24 shkurti kur forcat e Kremlinit pushtuan. Nëse Mariupoli bie, kjo do t’i lejonte Moskës të formonte një korridor tokësor midis rajoneve lindore të Donetskut dhe Luhanskut dhe Krimesë, të cilat tashmë janë nën kontrollin rus.