Drejtori i Institutit për Drejtësi të Kosovës, Ehat Miftaraj, ka reaguar ndaj lajmeve të rreme dhe propagandës që u bë, në lidhje me pretendimet për rrahjen e dy personave të komunitetit serb në veri.

Lajmet propaganduese që thoshin se kinse Eulex e kishte konstatuar këtë ngjarje, i demantoj vetë EULEX.

E në këtë kontekst edhe Miftaraj ka bërë thirrje që lajmet e rreme dhe propaganda mos të kalojnë, pasi sipas tij paqja në veri mirëmbahet edhe duke i luftuar këto lajme të rrreme.

Statusi i plotë i Miftarajt:
Lajmet e rreme dhe propaganda nuk duhet te kalojne. Eshte e poshter qe me genjeshtra te tilla te mashtrohen qytetaret serbe se po rrihen dhe maltertohen ne veri. Paqja, siguria dhe stabiliteti ne veri duhet te mirembahet edhe me denoncimin e lajmeve te rreme dhe propagandës.

“EULEX-i nuk i ka vizituar dy personat që pretendohet se janë rrahur nga Policia e Kosovës, as ndonjë staf i EULEX-it nuk ka “konstatuar” se dy personat janë rrahur nga Policia e Kosovës. Ajo që në të vërtetë ka ndodhur është se më 8 mars, këshilltarit të lartë të policisë veriore të EULEX-it iu afrua një person para ndërtesës së Komunës në Leposaviq, i cili pretendoi se djali i tij dhe një shok i tij ishin rrahur nga Policia e Kosovës një mbrëmje më parë.” – thuhet në përgjigjen e EULEX-it.