Kryeministri i Shqipërisë Edi Rama, Presidenti i Këshillit Evropian, Charles Michel dhe Presidentja e Komisionit Evropian Ursula Von der Leyen do të dalin në një konferencë për mediat ku pritet të flasin për punimet e Samitit të BE-së në Tiranë.  

Presidenti i Këshillit Evropian, tha se me samitin e sotëm u shkruajt historia sepse u zhvillua për herë të parë në Ballkanin Perëndimor. Duke folur për të ardhmen, ai theksoi se ajo është më e sigurtë me Ballkanin Perëndimor brenda BE-së.

“Do të filloj duke falenderuar ngrohtësisht Ramën për mikpritjen. Mbledhje historike ku shkruam historinë. Shkruajmë historinë sepse për herë të parë u organizua në Ballkanin Perëndimor.

Kjo mbledhje e sotme është deklarata që shoqëron punimet tuaja. Është e rëndësishme sepse përmban hapa shtesë në rrugën e integrimit. Kam pak emocion që jam në këtë tribunë në Tiranë. Besoj se e ardhmja e fëmijëve tanë do të jetë më e sigurtë dhe më e begatë me Ballkanin Perëndimor brenda BE”, u shpreh Michel.

“Ideja e roaming është një hap përpara në vijim të samitit të Brdos ku lindi kjo ide”, shtoi ai.

“Progrese kronkrete janë realizuar për të përballuar së bashku pasojat negative të sulmit të Rusisë ndaj Ukrainës. Kjo luftë ka pasur pasoja të rënda në energji, në fushën ekonomike dhe në fushën e furnizimit me ushqim”, theksoi ai.