Nëse ka një cilësi që të gjithë e kemi vërejtur te gratë japoneze, është tendenca për të mbetur të reja, e me lëkurë aq të freskët, sa është e pamundshme të dallosh moshën e tyre.

Prandaj dukja e tyre nuk është vetëm rezultat i gjeneve të mira, por edhe i kujdesit të veçantë që tregojnë ato në rutinat e pastrimit dhe të kurimit, transmeton Demokracia.com

Po sjellim për ju një ritual të veçantë nga japonezet që është quajtur metoda 4-2-4, që zgjat 10 minuta dhe përmban 3 hapa.

Ju nuk keni nevojë të aplikoni këtë mënyrë dy herë gjatë ditës, mjafton vetëm në mbrëmje dhe këshillohet deri në katër herë në javë.

– 4 minutat e para: Faza e vajit

Faza e vajit ka për qëllim të përmirësojë qarkullimin duke masazhuar lëkurën për 4 minuta, duke aplikuar një vaj (pastrues me përmbajtje vajore) në fytyrë. Është e rëndësishme të zgjidhni vajin e duhur për ju. Disa prej grave japoneze përdorin vaj ricini, jojoba etj. Kini kujdes me masazhimin e lëkurës tuaj në rast se shihni se diçka nuk po shkon në lëkurë. Konsultohuni me dermatologun përpara se ta ndërmerrni këtë hap, pasi shumë mjek nuk sugjerojnë çdo vaj për çdo tip lëkure.

– 2 minutat më pas: Pastrimi

Pasi të keni masazhuar fytyrën, vendosni larësin mbi lëkurën me vaj. Lajeni fytyrën për 2 minuta me lëvizje të buta që të mos e lëndoni lëkurën.

– 4 minutat e fundit: Shpëlarja

Filloni me ujë të ngrohtë për 2 minuta, pastaj përfundoni me ujë të ftohtë për 2 minuta të tjera. Uji i ngrohtë ndihmon për të hequr vajin e tepërt nga lëkura juaj dhe për të rritur qarkullimin e gjakut në sipërfaqe. Uji i ftohtë mund të ndihmojë në ngushtimin e poreve.Kjo teknikë ndihmon për të hidratuar lëkurën në mënyrë që pas procedurës, lëkura të shkëlqejë./Demokracia.com/