Migrena është një gjendje neurologjike që shkakton dhimbje të mëdha të kokës, zakonisht vetëm në njërën anë. Dhimbjet e kokës nga migrena shpesh shoqërohen me të përziera, të vjella dhe ndjeshmëri ndaj dritës dhe zërit.

Këto simptoma mund të ndërhyjnë në jetën tuaj të përditshme dhe, në disa raste, zgjasin me ditë. Prandaj, ka interes të madh për të gjetur një mundësi efektive për ta trajtuar.

Kohët e fundit, ka pasur disa spekulime se shpimi i kërcit të veshit i njohur me emrin “Daith Piercing” mund të ndihmojë në lehtësimin e migrenës. Por a mund në të vërtetë, ky shpim të ndihmojë në trajtimin ose parandalimin e sulmeve të migrenës?

“Daith Piercing” është një shpim i palosjes së kërcit, që është pikërisht mbi hyrjen e kanalit të veshit. Aktualisht nuk ka studime kërkimore për të konfirmuar se kjo metodë mund të lehtësojë dhimbjen e migrenës, përveç përvojës së disa personave të cilët e kanë provuar vet dhe kanë treguar se atyre u ka ndihmuar.

Lexoni më tej për të mësuar më shumë rreth “Daith Piercing” dhe migrenës, dhe disa metoda të tjera që mund t’ju ndihmojnë të menaxhoni simptomat e migrenës.

Cila është lidhja midis “Daith Piercing”dhe migrenës?

Lidhja midis shpimit të kërcit dhe lehtësimit të migrenës ka të bëjë me akupunkturën. Akupunktura është një trajtim alternativ popullor për dhimbjet e kokës dhe migrenën, dhe veshi ka disa pika presioni të përdorura në akupunkturën e ditëve moderne.

Kjo metodë për lehtësimin e migrenës fitoi popullaritet në mes të vitit 2010. Mbështetësit e këtij trajtimi pohuan se shpimi i kërcit të veshit aktivizon një pikë presioni, e cila mund të ndihmojë në lehtësimin e simptomave të migrenës.

Pikat e presionit në vesh janë në vende shumë specifike dhe duhet të identifikohen nga një akupunkturist i trajnuar, për të siguruar që shpimi të jetë në vendin e duhur.

Në një rast studimi në vitin 2017, personat që kishin provuar këtë metodë treguan se simptomat e migrenës u përmirësuan pasi bënë këtë shpim. Studiuesit arritën në përfundimin se nevojiten më shumë studime klinike për të treguar procedurën për lehtësimin e migrenës.

Në një studim tjetër, studiuesit shikuan një sërë trajtimesh alternative për dhimbjet e kokës të përditshme kronike.

Ata arritën në përfundimin se mungesa e provave mbi efektivitetin e shpimeve të besueshme për dhimbje koke ose migrenë i pengoi ata që ta rekomandonin atë. Autorët e këtij studimi grupuan trajtime të tjera në këtë kategori, përfshirë refleksologjinë, aromaterapinë dhe hidroterapinë.

Sa është i sigurt shpimi i kërcit të veshit ?

Ky shpim bëhet në palosjen e kërcit vetëm mbi kanalin tuaj të veshit. Të gjitha shpimet mbartin një farë rreziku, por shpimi i kërcit shpesh është më i rrezikshëm se shpimet në llapë të veshit.

Shpimi i kërcit mund të ketë disa komplikime, të tilla si:

infeksion

gjakderdhje

ënjtje

dhimbje të zgjatura

përkeqësim të simptomave të migrenës

Nëse vendosni, të bëni këtë shpim, kërkoni një shpues të licencuar për ta bërë atë. Më pas, sigurohuni që të mbani vendin e shpimit të pastër derisa të shërohet.