Muzika nxjerr më të mirën nga njerëzit, veçanërisht në mëngjes. Nëse zakonisht zgjoheni me disponim të keq, aktivizoni listën tuaj të muzikës dhe kënaquni me hitet tuaja të preferuara.

Do të ndiheni menjëherë më të lumtur dhe më produktivë. Ju gjithashtu mund të rregulloni zërin e alarmit tuaj. Kjo gjithashtu ndikon në mënyrën se si zgjoheni dhe si filloni ditën tuaj.

Këto janë të gjitha arsyet pse dëgjimi i muzikës mund të ndryshojë ditën tuaj duke e bërë atë ditën më të mirë të jetës tuaj, çdo ditë.

Ul nivelet e kortizolit.

Ju mund të ndiheni më pak të stresuar duke dëgjuar muzikën tuaj të preferuar, sipas një studimi. Hormoni i stresit, kortizoli, do të ulet dhe duket se muzika shpejton kohën e rikuperimit pas një ngjarjeje që shkakton stres.

Pra, është vetëm logjike që duke filluar ditën tuaj me një këngë të mirë mund të lehtësojë stresin e shkaktuar nga faktorë të jashtëm dhe do të shërbejë si një fillim i mirë i ditës.

Rrit nivelet e dopaminës.

Humori juaj menjëherë ndryshon kur luani një melodi. Muzika mund të nxisë prodhimin e hormonit dopaminë, i cili është një nga hormonet “e lumtur” që lidhet drejtpërdrejt me kënaqësinë. Kjo do të ndihmojë në lehtësimin e disa ndjenjave negative të ankthit dhe depresionit.

Stimulon memorien.

Muzika mund t’ju ndihmojë të mbani mend më shumë, pa marrë parasysh nëse ju pëlqejnë meloditë e shpejte ose më të ngadalta. Funksioni juaj njohës do të përmirësohet sapo të vendosni muzikën tuaj të preferuar dhe me kalimin e kohës, do të përfitoni një kujtesë më të fortë, sipas një studimi. Dhe kur formohen kujtime, grupe të caktuara të neuroneve riaktivizohen.

Rrit sistemin imunitar.

Dëgjimi i muzikës mund të forcojë sistemin tuaj imunitar. Tingulli i melodive ndihmon trupin të prodhojë më shumë antitrupa dhe qeliza vrasëse natyrore. Këto qeliza mund t’ju ndihmojnë të sulmoni çdo virus që mund të kontraktohet. Në thelb, sistemi juaj imunitar do të jetë më efektiv në luftimin e çdo sëmundjeje.

Rrit kreativitetin.

Para se të uleni në tavolinën tuaj të punës, vendosni kufjet dhe dëgjoni muzikë, veçanërisht meloditë e gëzueshme. Duket se ky lloj i muzikës do t’ju bëjë më kreativ, kështu që të gjitha ato ide që prisni do të vijnë në kokën tuaj. /Demokracia.com/

Burimi: BrightSide