Superliga e Kosovës në futboll vazhdon në mesjavë me ndeshjet e xhiros së 21-të, të cilat pritet të sjellin ballafaqime tejet joshëse e edhe të nxehta, shkruan Demokracia.com.
Padyshim e gjithë vëmendja do të jetë në kryeqytet në stadiumin “Fadil Vokrri” ku ndeshen Prishtina e Drita. Kampioni në fuq, Drita po kalon momente jo të mira, gjë e cila bëri që ta humbas edhe pozitën e parë në tabelë dhe një humbje tjetër do ta fuste në krizë të madhe.
Ndeshja e së mërkurës cilësohet si njëra nga vendimtaret edhe për Prishtinën e cila ka rast të mirë të futet fuqishëm në luftë për titullin e kampionit, ndryshe i zbehen pothuaj gjitha gjasat.
Ndeshja tjera joshëse është edhe ajo ndërmjet Gjilanit e Ballkanit. Nxehtë është edhe Trepça ’89 – Llapi.
Më poshtë mund t’i gjeni çiftet dhe orarin komplet të javës së 21-të.
E mërkurë,
Gjilani – Ballkani
Trepça’89 – Llapi
Prishtina – Drita
E enjte
Feronikeli – Drenica
Besa – Arbëria.
Ndeshjet fillojnë nga ora 13:00. /Demokracia.com