Takimet, kimia apo edhe postimet e ndryshme lanë në publik të kuptohej se Dea Mishel dhe Krist Aliaj mund të ishin në një lidhje.

Mirëpo së fundmi Kristi i ka hedhur poshtë këto zëra, madje ka konfirmuar se është në një marrëdhënie me dikë tjetër që nuk preferoi ta zbulonte.

“Thjesht për të pastruar thashethemet. Unë dhe Dea nuk jemi çift. Ne jemi miq që respektojmë njëri-tjetrin dhe kënaqemi kur jemi bashkë. Ne u takuam në vendin më të çuditshëm dhe ndihmuam njëri-tjetrin kur kohët bëheshin të vështira. Miqësi dhe respekt të pastër mes nësh. Unë kam një marrëdhënie me dikë tjetër. Dea vazhdo shkëlqe.”

Edhe Dea nga ana tjetër ka ripërsëritur të njëjtën gjë duke u shprehur se e konsideron Kristin një shok të vërtetë.