Gazetari Lirim Mehmetaj, në një postim në Facebook ka kritikuar ministren e Drejtësisë Albulena Haxhiu, për deklaratat e saj pas intervistimit që kjo e fundit e pati në Prokurorinë Spciale, për rastin Dehari.
Sipas Mehmeajt, deklarata e saj, tregojnë se Ministrja është e papërgjegjshme, analfabete, e palaço.
E plotë:
“E papërgjegjshme deri në çmenduri dhe analfabete deri në pabesueshmëri, Albulena Haxhiu doli para mediave dhe e pranoi se nuk e ka asnjë provë e asnjë fakt se kush e ka “vrarë” Astrit Deharin.
Kjo, pasi për vite me radhë ka konstatuar se “ka prova për vrasjen e Deharit, por prokuroria refuzon të lëvizë”.
E ftuar nga prokuroria të tregojë se cilat janë ato prova, ajo s’ka pasur çfarë të thotë.
Madje, doli në konferencë për media dhe pohoi se “po ta kisha emrin e kryerësit, apo kryerësve të veprës penale unë nuk do ta prisja ftesën e prokurorit për ta thënë emrin e personit që dyshohet. Nuk do të prisja as një minutë”.
Ajo praktikisht tregoi se ka bërë politikë me këtë rast tragjik.
E frikësuar se ku e ka futur vetën dhe implikimet ligjore që mund të pasojnë, ajo tha se kur ka folur për prova ka folur për dyshimet që i ka në proces.
Paramendojeni, ministrja (juriste) tha se dyshimet e saj përbëjnë prova për rastin.
A e dini sa familjet në Kosovë kanë vuajtur, janë dërrmuar, molisur e gjykuar publikisht nga njerëzit, veç pse këta me lehtësi të padurueshme kanë akuzuar publikisht këdo që u ka dalë përpara.
Këta që supozohej se do ta institucionalizonin vullnetin e popullit, kanë institucionalizuar spekulimin, konspiracionin dhe sensacionin.
Këta janë palaço.”