Ka përfunduar pjesa e parë në dy përballjet e para të mbrëmjes së sotme në Ligën e Kampionëve.

Milani ka shkuar në pushim të pjesëve në disavantazh minimal 0-1 ndaj Portos në “San Siro”, shkruan Demokracia.com.

Portugezët siguruan epërsinë qysh në minutën e gjashtë kur realizoi Diaz me asistimin e Grujiq.

Porto përveq rezultatit, kishte pesë goditje në portën e “kuqezinjve”, karshi vendasve që goditën vetëm një herë kuadratin e mysafirëve.

Rezultat tjetër befasues brenda 45 minutave të para ishte edhe në “Santiago Bernabeu” atje ku po ballafaqohen Real Madridi dhe Shakhtar Donetsku.

Rezultati pas fraksionit të parë është i barabartë 1-1.

“Mbretërit” ishin të parët që hapën serinë e golave në minutën e 14-të me autor Karim Benzeman.

Ndërsa ukrainasit u rikthyen në lojë gjashtë minuta pa përfunduar koha e rregullt e takimit kur Fernando barazoi shifrat.

Los Blancos dominuan nga fillimi deri në fund të pjesës së parë, megjithatë rezultati nuk ishte në anën e tyre. /Demokracia.com