“Cyberflashing” do të bëhet një vepër penale në Mbretërinë e Bashkuar dhe personat që shpallen fajtorë mund të dënohen deri në dy vjet burg.

Praktika përfshin dërgimin e imazheve seksuale të pakërkuara nga viktimat përmes mediave sociale, aplikacioneve të takimeve ose përdorimit të opsioneve të shkëmbimit të të dhënave duke përfshirë Bluetooth dhe Airdrop.

“Cyberflashing” ka qenë një çështje e dokumentuar gjerësisht në transportin publik në Mbretërinë e Bashkuar – me gratë që ankohen për dërgimin e fotografive të padëshiruara të organeve seksuale gjatë transferimit të skedarëve.

Projektligji gjithashtu do të vendosë më shumë përgjegjësi ligjore në platformat e mediave sociale, motorët e kërkimit, faqet e internetit dhe aplikacionet e tjera për të trajtuar një sërë përmbajtjesh të paligjshme dhe të dëmshme në shërbimet e tyre.