COVID-19KosovaSot:6Të gjitha:272,051|Bota 621,975,762
Lajme
Mbi 32 mijë qytetarë “pushuan” në hotelet e Kosovës
Demokracia
15:27 | 08 Gusht 2022

Share:

Mbi 32 mijë vizitorë gjatë muajit maj kanë vizatur hotelet  Kosovë, prej të cilëve rreth 63 për qind ishin të jashtëm. Numrin më të madh të vizitorëve dhe net-qëndrimeve të tyre e ka rajoni i Prishtinës me 15,223 vizitorë dhe 24,358 net-qëndrime, ndjekur nga Prizreni dhe Peja.

Numri i vizitorëve gjatë muajit maj 2022 ishte 32,444, prej të cilëve rreth 63 për qind ishin të jashtëm.

Kështu thuhet në raportin “Statistikat e Hotelerisë, maj 2022”, prezantuar nga Agjencia e Statistikave të Kosovës.

“Numri i vizitorëve (vendorë dhe të huaj) ishte 32,444, prej të cilëve 37.12 për qind ishin vendorë dhe 62.88 për qind ishin të jashtëm, ndërsa numri i net-qëndrimeve ishte 50,247, prej tyre 32.1 për qind nga vendorët dhe 67.9 për qind nga të huajt”, thekson ASK.

Numrin më të madh të vizitorëve dhe net-qëndrimeve të tyre e ka rajoni i Prishtinës me 15,223 vizitorë dhe 24,358 net-qëndrime, ndjekur nga Prizreni dhe Peja.

Sa u përket vizitorëve të huaj numri më i madh ishte nga Shqipëria, Zvicra dhe Gjermania.

Për këtë muaj, pjesë e anketës ishin 206 hotele, që ushtrojnë veprimtari hoteliere në territorin e Kosovës.

Në Republikën e Kosovës, në muajin Maj 2022, krahasuar me muajin Maj 2021, numri i vizitorëve  vendore ka pasur rritje për 50.0% ndërsa netqëndrimet e tyre janë rritur për 44.7%.

Në muajin Maj 2022, krahasuar me muajin Maj 2021, numri i vizitorëve të jashtëm ka pasur rritje për  53.1% ndërsa numri i net qëndrimeve të tyre është rritur për 58.8%./Demokracia.com/.

Të ngjashme