Numri i të prekurve nga COVID-19 në mbarë botën ka kapërcyer pragun e 135 milionë rasteve.
Sipas faqes “Worldometer”, që përpilon të dhënat në lidhje me pandeminë, deri më tani në botë janë regjistruar gjithsej 135 milionë e 82 mijë e 420 raste infektimi me COVID-19.
Numri më i madh i të infektuarve është regjistruar në SHBA, me gjithsej 31 milionë e 773 mijë e 300 raste, raporton ATSh.
Pas SHBA-së, rastet më të shumta janë regjistruar në Brazil (13 milionë e 286 mijë e 324) dhe Indi (13 milionë e 202 mijë e 783), përcjell Demokracia.com.
Për sa i përket numrit të vdekjeve, në të gjithë botën kanë humbur jetën nga COVID-19 2 milionë e 921 mijë e 655 persona.
Të shëruarit janë 108 milionë e 701 mijë e 451.
Aktualisht, në botë ka 23 milionë e 411 mijë e 181 të prekur nga COVID-19 që ndodhen në trajtim./Demokracia.com/