Një marrëveshje paqeje midis Kievit dhe Moskës është duke u hartuar nga avokatët, por një përparim varet nga pranimi i armëpushimit nga Kremlini, ka thënë ministri i mbrojtjes i Ukrainës, ndërsa qeveria franceze akuzoi Rusinë se ‘pretendon’ se po negocion.

Oleksii Reznikov, i cili ka udhëhequr delegacionin ukrainas në negociata, tha se puna teknike po përparonte, por se Rusia duhej të ndalonte granatimet e saj që të ishte i mundur çdo kompromis.

Duke folur përmes video-lidhjes me eurodeputetët në komitetin e punëve të jashtme dhe nënkomitetin e sigurisë dhe mbrojtjes, Reznikov tha se udhëheqësit ndërkombëtarë, si kryeministri izraelit Naftali Bennett, po përpiqeshin të ndërmjetësonin, por duket se Rusia do të duhej të detyrohej në negociata reale.

“Natyrisht, para së gjithash gjatë negociatave do të flasim për një armëpushim, për korridoret humanitare, për sigurimin e popullatës civile me evakuim, me ujë, me ushqim dhe ndoshta më vonë mund ta nënshkruajmë këtë marrëveshje për paqen.”-tha ai.