Një marinar i marinës amerikane ka dëshmuar se ka parë një disk fluturues të UFO-ve, 12 metra të gjatë që rrinte pezull mbi kuvertën e USS Ronald Reagan.

Dhjetëra anëtarë të ekuipazhit raportohet se kanë parë objektin që rrinte pezull mbi kuvertën e aeroplan-mbajtëses me energji bërthamore.

Takimi i frikshëm është i fundit në një varg incidentesh të UFO-ve që thuhet se po u afrohen anijeve luftarake dhe avionëve luftëtarë amerikanë.

UFO-t po zënë skenën qendrore në Uashington DC me një seancë historike që u mbajt në fillim të kësaj jave, në të cilën shefat e inteligjencës zbuluan “sekretet” e qenieve jashtëtokësore.

Objektet e çuditshme që shihen në qiell, të njohura më shpesh si UAP (Fenomene Ajrore të Paidentifikuara), kanë dalë fort nga sferat e teorive të konspiracionit si një shqetësim serioz i sigurisë kombëtare.

Incidenti në bordin e USS Ronald Reagan është potencialisht një nga takimet më të jashtëzakonshme të UFO-ve në histori me objektin që është parë disa herë gjatë 4 orëve nga një numër i madh dëshmitarësh.