Manchester United ka marrë një tjetër vendim në lidhje me futbollistin, Mason Greenwood, pas akuzave nga ish-e dashura e tij për sulm fizik.

“Djajtë e Kuq” kanë fshirë të gjitha të dhënat e lojtarit në faqen zyrtare dhe në rast të kërkimit të emrit të tij, nuk mund të gjeni asgjë, shkruan Demokracia.com.

Greenwood është akuzuar nga  ish-e dashura e tij për dhunë fizike dhe për obligim të dhunshëm për marrëdhënie intime.

Manchester United të dielën mori vendim të suspendojë lojtarin anglez nga stërvitjet dhe ndeshjet deri në zbardhjen e çështjes.

Greenwood mbrëmë është arrestuar edhe nga policia e Mançesterit, derisa është marrë në pyetje në lidhje me akuzat./Demokracia.com/