Trajneri i Manchester Cityt, Pep Guardiola, ka shpërdoruar sërish sezonin për trofeun e Ligës së Kampionëve dhe ajo që ndodhi të mërkurën mbrëma në Madrid do të ritregohet për dekada!

City kishte avantazhin 0:1 dhe një avantazh 4:3 nga ndeshja e parë deri në hyrjen e minutës së 90-të, por humbën me dy gola të Rodrigos që e çoi ndeshjen në kohën shtesë në vetëm 90 sekonda, ku më pas u eliminua nga goli i Karim Benzemas në pjesën e parë të vazhdimeve.

Kjo disfatë e Realit ka përditësuar deklaratën e vitit 2018, të cilën e ka dhënë ish-menaxheri i Yaya Toures, Dimitrij Seluk. Ai në atë kohë tha se askush në Afrikë nuk do ta pranonte vendimin e Guardiolës për ta përjashtuar mesfushorin e përmendur nga skuadra e parë e “Qytetarëve” atë sezonin e kaluar dhe se Pep do të kishte probleme të mëdha.

“Guardiola e ktheu Afrikën kundër vetes, shumë tifozë u kthyen kundër Manchester Cityt. Dhe jam i sigurt se shumë shamanë afrikanë nuk do ta lejojnë Guardiolën të fitojë Ligën e Kampionëve. Ky do të jetë një mallkim afrikan për të, jeta do të tregojë nëse kam pasur të drejtë”, tha Seluk dhe shtoi:

“Fakti është se Guardiola i dha fund karrierës së Jaya në City. Nuk është as një gabim, por një krim. Dhe bumerang do të kthehet, Pep. Do të shihni se çfarë janë shamanët afrikanë, mbani mend këtë”.

Siç qëndrojnë gjërat tani, Seluk duket se ka pasur të drejtë. City, nëse është për ngushëllimin e tyre, ka mundësinë të shpëtojë sezonin dhe të fitojë titullin në Premierligë. Katër xhiro para fundit kanë një pikë më shumë se Liverpooli./Demokracia.com/