Qeveria e Kosovës ka shfuqizuar vendimin e nxjerrë në vitin 2017 nga kabineti qeveritar i Ramush Haradinajt për ndryshimin e pagave të gjyqtarëve dhe prokurorëve. Pagat e të gjithë gjyqtarëve dhe prokurorëve ishin rritur 100 për qind në vitin 2017. Pagat e gjyqtarëve dhe prokurorëve, me vendimin të Qeverisë së Kosovës, janë rikthyer në nivelin e njëjtë para vendimit të Qeverisë Haradinaj.
Por kjo nuk është e tëra, Lëvizja Vetëvendosje në vitin 2018, nuk e kishte kundërshtuar vendimin për ngritje të pagave për gjyqtarët dhe prokurorët.
Në komunikatën e LVV në vitin 2018, ku kishin kundërshtuar vendimin për ngritje pagash në Qeveri dhe kishin kërkuar të zhbëhet ky vendim por një pjesë e kësaj komunikate e thotë qartë se “ Aktualisht paga e prokurorit është 1000 euro ndërsa paga e gjyqtarit 1200 kjo shkon duke u ngritur për Apelin dhe Supremen dhe Prokurorinë speciale”.
“Sa i përket kësaj çështje, ne nuk e kundërshtojmë rritjen e pagave për gjyqtarët dhe prokurorët. Aktualisht paga e prokurorit është 1000 euro ndërsa paga e gjyqtarit 1200 kjo shkon duke u ngritur për Apelin dhe Supremen dhe Prokurorinë speciale. Ata që kanë nevojë për ngritjen e pagave janë stafi civil i institucioneve të drejtësisë të cilët kanë paga nën 400 euro.”, thuhet në komunikatën e LVV në vitin 2018.
