Kryetari i degës së Lidhjes Demokratike të Kosovës në Gjilan, Lutfi Haziri do ta shpallë sot kandidaturën e tij për kryetar të partisë nga komuna e Gjilanit, të cilën e drejton ai. 

Lajmin e ka bërë të ditur Dega e LDK-së në këtë komunë, përmes një postimi në llogarinë zyrtare në Facebook.  

“Ju njoftojmë se Kryetari i Degës së LDK’së në Gjilan, z. Lutfi Haziri, nesër (10 mars)  në ora 13:00, do ta shpallë zyrtarisht kandidaturën për Kryetar të LDK-së në nivel qendror.Ftoheni të merrni pjesë në konferencën për media të z. Lutfi Haziri, në selinë e LDK’së në Gjilan”, thuhet në njoftim. 

Ndryshe, Lidhja Demokratike e Kosovës ka konfirmuar tri kandidatura zyrtare për kryetar të partisë. 

Anton Quni, Lumir Abdixhiku dhe Lutfi Haziri tashmë zyrtarisht do të garojnë për të parin e LDK-së në kuvendin e 10-të zgjedhor, që do të mbahet këtë të diel./Demokracia/