Mbrojtësi i Ballkanit, Lumbardh Dellova e ka fituar epitetin e lojtarit më të mirë për xhiron e 33-të të Superligës së Kosovës në futboll. Dellovës, të hënën i është ndarë çmimi “Ylli i Javës” pasi vlerësimi i më të mirit është bërë nga një komision i veteranëve të futbollit i përzgjedhur nga FFK-ja.
Dellova u vlerësua për paraqitjen e mirë që e pati në fitoren e Ballkanit 2:1 në udhëtim te Drita. Krahas lojës së mirë, Dellova e shënoi edhe golin e fitores për Ballkanin, që ka mbetur në garë për titullin e kampionit.
Pas pranimit të çmimit, Dellova deklarojë se pret që Ballkani do ta mbrojë titullin e kampionit që e fitoi edicionin e shkuar.
