Llapi dhe Gjilani zhvillojnë sot ndeshjet e kthimit në kuadër të rrethit të parë kualifikues në Ligën e Konferencës.
Fituesit e Kupës së Kosovës, Llapi në stadiumin “Fadil Vokrri” me fillim nga ora 20:00 synon përmbysjen e rezultatit ndaj Buducnostit të Podgoricës, shkruan Demokracia.com.
Ndeshja e parë në kryeqendrën malazeze u mbyll 2:0 për malazezët, teksa sot në praninë e mijëra tifozëve Llapi shpreson në “mrekulli” për ta siguruar biletën tutje.
Skuadra nga kryeqyteti i Malit të Zi llogaritet favorite kundër Llapit, sipas kompanisë së basteve “bet365.com”.
Kuota për fitoren e Llapit është 3.00, barazimi 3.25 teksa për triumfin e Buducnostit kuota është 2.37.
Katër orë më herët, Gjilani luan ndeshjen kundër Liepajës në Letoni.
“Skifterat” edhe me barazim do të kualifikoheshin tutje, ngase rezultati ishte 1:0 në favor të tyre në Prishtinë.
Liepaja llogaritet favorite e madhe në këtë sfidë, duke u llogaritur kouta e fitores së saj 1.61, barazimi 3.75, kurse për triumfin e Gjilanit kuota është 5.50./Demokracia.com/