Kreu i Nismës Socialdemokrate, Fatmir Limaj, ka uruar të gjithë mësimdhënësit me rastin e Ditës së Mësuesit.
Në 134-vjetorin e shkollës së parë shqipe, kreu i Nismës Socialdemokrate, Fatmir Limaj, ka uruar të gjithë mësimdhënësit me rastin e Ditës së Mësuesit, shkruan Demokracia.com.
Përmes një postimi në profilin e tij zyrtar në rrjetin social Facebook, Limaj ka shkruar se, shkolla shqipe gjithmonë ka qenë vatër ku është kultivuar dashuria për atdheun.
Tutje Limaj ka shprehur mirënjohjen e tij ndaj të gjithë mësimdhënësit që kanë kontribuuar ndër vite në kultivimin e vlerave kombëtare.
Postimi i plotë pa ndërhyrje:
Në përvjetorin e hapjes së shkollës së parë shqipe, të gjithë mësimdhënësve ua uroj 7 Marsin, ditën e Mësuesit.
Të dashur mësuese dhe mësues,
Në këtë ditë të shënuar ju shpreh mirënjohjen time për kontributin tuaj të madh, të dhënë ndër vite, jo vetëm në edukimin e brezave dhe përhapjen e dijës, por edhe në kultivimin e vlerave tona kombëtare.
Shkolla shqipe gjithmonë ka qenë vatër ku është kultivuar dashuria për Atdheun.
Urime 7 Marsin!. /Demokracia/