Në Angli është shfaqur papritur lija e majmunëve, e cila është rasti i parë i regjistruar në Evropë dhe tani ka arritur në Amerikë. Mjekët dyshojnë për një model të transmetimit të kësaj sëmundjeje për shkak të rasteve të regjistruara deri më tani.

Lija e majmunëve është një infeksion i rrallë viral i ngjashëm me linë e njeriut, megjithëse më i lehtë, dhe u raportua për herë të parë në Republikën Demokratike të Kongos në vitet 1970, transmeton Demokracia.com.

Simptomat fillestare të lisë së majmunit përfshijnë ethe, dhimbje koke, dhimbje muskujsh, dhimbje shpine, ënjtje të nyjeve limfatike dhe rraskapitje. Mund të zhvillohet një skuqje, e cila shpesh fillon në fytyrë dhe më pas përhapet në pjesë të tjera të trupit. Skuqja ndryshon dhe kalon nëpër faza të ndryshme përpara se të formohet më në fund koreja, e cila më vonë bie.

Deri më tani, dihet se virusi përhapet kur dikush është në kontakt të ngushtë me një person të infektuar, ai hyn në trup përmes lëkurës së dëmtuar, traktit respirator ose përmes syve, hundës ose gojës.

Megjithatë, katër raste nga Britania e Madhe janë meshkuj homoseksualë ose biseksualë dhe zyrtarët thonë se modeli i transmetimit “sugjeron fuqishëm përhapjen në rrjetet seksuale”.

Dr Simon Clark, një mikrobiolog në Universitetin e Reading, tha për DailyMail se ai dyshonte se numri i rasteve në MB ishte tashmë “në dhjetëra”.

Por Dr. Clark këmbënguli se sëmundja nuk do të përhapej si Covid, duke shtuar se ai do të habitej nëse do të regjistroheshin më shumë se 100 raste. /Demokracia.com/