Policia në New Hampshire ka lëshuar një urdhër arresti për këngëtarin Marilyn Manson në lidhje me akuzat e sulmit.

Manson 52 vjeç, është akuzuar për dy akuza të “sulmit kundërvajtje të klasit A” që përfshinte një videograf gjatë një koncerti në Gilford në 2019, transmeton Demokracia.com

Në një deklaratë, policia tha se këngëtari dhe agjentët e tij “kanë qenë në dijeni të urdhërit për disa kohë”.

Por ai nuk kishte bërë asnjë përpjekje të kthehej për t’u përgjigjur akuzave, tha policia.

Deklarata nga Departamenti i Policisë Gilford tha se çdo akuzë mbart një dënim të mundshëm me burg prej më pak se viti dhe gjobë deri në 2,000 dollarë.

Policia shtoi se sulmet e pretenduara “nuk janë të natyrës seksuale”.

Manson, emri i vërtetë i të cilit është Brian Hugh Warner, deri më tani nuk ka bërë asnjë koment publik për këtë çështje.

Në fillim të këtij muaji doli në pah që ish-asistentja e Manson Ashley Walters ishte duke e paditur këngëtarin, duke pretenduar sulm seksual.

Menaxhmenti i Manson “ka mohuar me forcë çdo akuzë për sulm”.

Në shkurt, Manson u tërhoq nga labeli i tij i regjistrimit Loma Vista Recordings pas pretendimeve nga aktorja Evan Rachel Wood se ajo ishte “abuzuar tmerrësisht” nga ai.

Manson ka mohuar akuzat, duke thënë se ato janë “shtrembërime të tmerrshme të realitetit”./Demokracia.com