Një shpërthim i fuqishëm është regjistruar në orët e para të mëngjesit në rrugën “Sali Butka” në Tiranë.

Sipas të dhënave nga Policia e Shtetit, shpërthimi është shkaktuar nga një sasi lënde eksplozive që ishte vendosur në ambientet e jashtme të një lokali, në përdorim nga shtetasi A. Xh., 40 vjeç.

Shpërthimi ka shkaktuar vetëm dëme materiale, teksa grupi hetimor po punon për sqarimin e rrethanave të ngjarjes dhe identifikimin dhe kapjen e autorëve.