Kuvendi i Kosovës sot me fillim në orën 10:00, do mbajë seancën konstituive të legjislaturës së tetë.
Derisa partitë e tjera nuk kanë zbuluar emrat e personave që do të propozohen si nënkryetarë të Kuvendit, nga LDK-ja kanë bërë të ditur se e propozojnë në këtë pozitë Kujtim Shalën, shkruan Demokracia.com.
Kështu ka bërë të ditur kryetari i kësaj partie Lumir Abdixhiku ditë më parë.
“Shef i Grupit Parlamentar të LDK-së do të jetë Arben Gashi, ndërsa Kujtim Shala do të jetë nënkryetar i Kuvendit”, ka njoftuar Abdixhiku.
Kujtojmë se Shala ishte edhe legjislaturën e kaluar në këtë pozitë, pra nënkryetar i Kuvendit të Kosovës./Demokracia.com/