Lidhja Demokratike e Kosovës ka zgjedhur sot kryetarin e ri. Lumir Abdixhiku mundi Lutfi Hazirin dhe Besian Mustafën për të pasuar Isa Mustafën.
Profesori universitar Blerim Latifi, nëpërmjet një shkrimi në Facebook, ka komentuar ngjarjen e sotme të LDK-së.
“Është e lehtë të bëhesh kryetar i një partie të fundosur, sepse të paktë janë ata që duan të marrin përsipër sfidën e vështirë të ringritjes së saj pas rënies së madhe”, shkroi Latifi.
“Shumica preferojnë të fshihen dhe të mos marrin përgjegjësi”, theksoi ai.
Abdixhiku është zgjedhur si kryetar i ri i LDK-së në Kuvendin që u mbajt të dielën. Mustafa ishte kryetar prej vitit 2010 dhe udhëhoqi partinë deri më 14 mars 2020 kur zyrtarisht dha dorëheqje.
Abidxhiku kishte kundërkandidat, nënkryetarin e LDK-së, Lutfi Hazirin, që numëron disa dekada si pjesë e LDK-së. Kandidat ishte edhe Besian Mustafa, djali i veprimtarit të vrarë të LDK-së, Xhemajl Mustafa.
Pas certifikimit të zgjedhjeve, LDK-ja ka dalë partia e tretë me 12.76 për qind të votave. Pas rezultatit të shënuar, kryetari i LDK-së, Isa Mustafa e deklaroi dorëheqjen./Demokracia.com/
https://www.facebook.com/blerim.latifi.7393/posts/451453492666295