KB Ponte Prizreni ka njoftuar se ka ndarë rrugët me basketbollistin Kevin Baker, shkruan Demokracia.com.
Klubi që garon në Superligën e Kosovës në basketboll ka bërë të ditur se me basketbollistin kanë ndërprerë bashkëpunimin me marrëveshje të dyanshme.
Baker zhvilloi nëntë ndeshje me fanellën e klubit nga Prizreni këtë edicion. Ponte Prizreni e ka falënderuar basketbollistin për kontributin e dhënë.
“Ndryshime në skuadër. Kevin Baker lirohet nga ekipi. Me marrëveshje të dyanshme, nga sot lojtari Kevin Baker nuk do jetë pjese e skuadrës tone”, thuhet ndër tjerash klubi.
Ponte Prizreni pas nëntë takimeve zë vendin e parafundit me 13 pikë./Demokracia.com/