Sipas mediave, negociatat mes rusëve dhe ukrainasve, të zhvilluara në Bjellorusi, në kufi me Ukrainën, kanë përfunduar.
Negociatat, rezultati i të cilave pritet nga e gjithë bota, kanë zgjatur tashmë më shumë se 5 orë, transmeton Demokracia.com.
Të dyja palët do të shkojnë në kryeqytetet e tyre, Kiev dhe Moskë.
Qëllimi kryesor: një armëpushim në territorin e Ukrainës.
Megjithatë, Rusia dhe Ukraina kanë identifikuar një sërë temash prioritare për të cilat kanë marrë vendime të caktuara, tha Podoljak, një këshilltar i kreut të kabinetit të Zelenskit.
Sipas tij, Rusia dhe Ukraina diskutuan mundësinë e mbajtjes së një raundi të dytë negociatash në të ardhmen e afërt.
Takimi i radhës i delegacioneve ukrainase dhe ruse do të mbahet në kufirin Bjelloruso-Polak në ditët në vijim, tha kreu i delegacionit rus në bisedimet me palën ukrainase, ndihmës i presidentit të Federatës Ruse, Vladimir Medinski.
Në anën tjetër, një zgjidhje për Ukrainën është e mundur vetëm nëse merret parasysh interesi i Rusisë, i tha Putin Macronit.
LAJMI I FUNDIT| Putini i prezanton kushtet për zgjidhjen e problemit në Ukrainë
Putini i prezantoi Macron-it kushtet për zgjidhjen e situatës në Ukrainë.
– Çmilitarizimi dhe denazifikimi i Ukrainës.
– Statusi i saj neutral.
– Njohja e Krimesë ruse nga Kievi.
Në këmbim, Macron i shprehu Putinit shpresën për një zgjidhje të shpejtë të konfliktit ukrainas përmes dialogut dhe negociatave me Kievin, tha Kremlini.
Sipas televizionit francez, biseda mes dy presidentëve ka zgjatur një orë e gjysmë. /Demokracia.com/