Sigal Prishtina sonte e ka fituar Kupën e Kosovës duke e mundur në finale Golden Eagle Yllin, shkruan Demokracia.com.
Ndeshja u zhvillua në Suharekë dhe solli një spektakël të vërtetë por për fat të keq ishte pa praninë e tifozëve, kjo për shkak të masave të marra kundër pandemisë koronavirus.
Derisa në parket gjithçka shkoi mirë, një ngjarje aspak e hijshme është parë jashtë palestrës ku autobusi i skuadrës së Prishtinës është sulmuar.
Ka qenë vetë klubi bardhekaltër që përmes një postimi në “Facebook” ka njoftuar për thyerjen e xhamave të autobusit.
“PRIMITIVË!
Autobusi ynë pas ndeshjes…”, ka shkruar KB Prishtina bashkangjitur me një foto ku shihte autobusi i dëmtuar. /Demokracia.com