Se Xavi Hernandez pritet të emërohet trajner i ri i Barcelonës, është vetëm çështje kohe.
Gazetari italian dhe eksperti i transferimeve, Fabrizio Romano ka raportuar së fundmi se Xavi dhe Barcelona kanë arritur marrëveshje, shkruan Demokracia.com.
Xavi ka pranuar projektin e “Katalunasve” pasi ka biseduar me presidentin Joan Laporta ditë më parë.
Ish-mesfushori i Barcelonës dhe legjenda e këtij klubi është në pritje të shkëputjes së kontratës me klubin arab, Al-Sadd në mënyrë që të emërohet trajner te Barcelona.
Tashmë një gjë është bërë e ditur edhe nga mediat spanjolle se bordi dhe klubi i Barcelonës është duke i bërë të gjitha përgatitjet për pritjen e Xavit.
Në ndërkohë, Barcelona po synon që deri në zgjidhjen e kontratës së Xavit me klubin arab të angazhojë një trajner të përkohshëm.
Xavi do ta zëvendësojë te Barcelona trajnerin holandez, Ronald Koeman i cili u shkarkua të mërkurën mbrëma.
Koeman u shkarkua nga posti i trajnerit për shkak të humbjes 1-0 kundër Rayo Vallecanos, disfatës 1-2 në El Classico dhe ecurisë jo të mirë të rezultateve. /Demokracia.com