Kërcënohet djali i Donald Trump

Kjo është hera e dytë që ndodh një incident i tillë për Donald Trump Jr, pasi në vitin 2018, ish-bashkëshortja e tij u dërgua në spital, pasi hapi një zarf të ngjashëm, i cili përmbante po ashtu një pluhur të bardhë.

Policia ruse ka arrestuar Vasily Dubkov, ish-avokatin e opozitarit të ndjerë, Alexei Navalny. Akuzat ende nuk janë bërë të ditura, megjithatë mund të lidhen me faktin që avokati shoqëroi nënën e Navalny-t në rrugëtimin e saj për të kërkuar trupin e djalit të ndjerë.

Navalny ndërroi jetë në burgun “Ujku Polar”, në rrethana të paqarta dhe misterioze. Ende nuk është njoftuar shkaku i vdekjes së tij, ndërsa edhe më parë, janë arrestuar 3 ish-avokatë të tjerë të Navalny-t: Vadim Kobzev, Igor Sergunin dhe Aleksei Lipster për ekstremizëm. Ata janë burgosur në nëntor të vitit 2023.

Ushtria izraelite ka njoftuar se ka zbuluar një tjetër rrjet nëntokësor, të cilët i cilëson si “tunelet e terrorit”. Sipas tyre, këto tunele lidhin veriun dhe jugun e Gazës dhe se atje fshihen anëtarë të Hamasit dhe kalojnë luftëtarë dhe armë.

Izraeli vijon me planin për të pushtuar të gjithë territorin e Gazës, duke përfshirë edhe Rafah, vendin ku strehohen rreth 1.4 milionë palestinezë, të shpërngulur nga shtëpitë e tyre në zona të ndryshme të Gazës.

Hezbollah sulmon Izraelin

Grupi militant i Libanit, Hezbollah, ka deklaruar se ka lëshuar disa raketa ndaj një baze izraelite, si kundërpërgjigje ndaj një sulmi vdekjeprurës që kishte kryer Izraeli në lindje të Libanit. Hezbollah është një grup i cilësuar si terrorist dhe është aleat i Hamasit. Shpeshherë, anëtarët e Hezbollah kanë shkëmbyer sulme me ushtrinë izraelite.

Ndërkohë, Izraeli ka shënjestruar objekte të ndryshme të Hezbollahut në afërsi të Balbekut, duke vrarë 2 luftëtarë të grupimit.