“Propozimi ynë i fundit është që Kosova të nis procesin e themelimit të Asociacionit dhe Serbia të nis zbatimin e obligimit për të njohur dokumentat, institucionet dhe simbolet e Kosovës”.

Kjo është më e fundit çka pati për të thënë Përfaqësuesi Special i Bashkimi Evropian për dialogun Kosovë-Serbi, Miroslav Lajçak, në prag të vizitës së tij në Kosovë ku do të ketë takim me Zëvendës Kryeministrin e Kosovës, Besnik Bislimi mbrëmjen e së martes.

Në këtë kontekst, tha Lajçak në një intervistë për “Kosovo-Online“, javëve të ardhshme pritet që të vazhdohen negociatat “që s’do të jenë hiç të lehta”; për shkak të, siç tha ai, “vështrimeve të palëve për procesin e implementimit…që janë të tepër të ndarë dhe gjer më tash kanë parakushte dhe rezervime të njëanshme për zbatimin e obligimeve të tyre”.

Pyetur se a mendon se ndonjëherë do të themelohet Asociacioni, Lajçak tha se “kjo është pyetje për qeverinë e Kosovës, e jo për mua”.

Por, shtoi ai, “Qeveria (e Kosovës) nuk mund t’i ik përmbushjes së këtij obligimi përgjithmonë”.

Për Asociacionin, tha Lajçak, marrëveshjet e vitit 2013 dhe 2015 “përmbajnë dy siguresa”: Pranimin e Qeverisë së Kosovës dhe referimin e tekstit në Gjykatën Kushtetuese.

“Pra, unë po ju pyes? Si mund të jetë pra Asociacionin i dëmshëm dhe i rrezikshëm nëse Gjykata Kushtetuese ka fjalën e fundit?”, shtroi pyetjen Lajçaku.

Duke folur për draftin e BE-së për Asociacionin, ndërmjetësi sllovak tha se “ne e hartuam atë pasi na u bë e qartë se palët s’ishin në gjendje ta bënin vet”.

“Sinqerisht, nuk shoh asnjë arsye për të mos ecur përpara, sidomos tani, pas prezantimit të draft-statutit evropian. Ky statut u hartua me shumë kujdes, në një proces të përpunuar dhe afatgjatë, me mbështetjen dhe ndihmën e Gjermanisë, Francës, Italisë dhe Shteteve të Bashkuara të Amerikës, si dhe me kontributin e ekspertëve të pavarur juridikë ndërkombëtarë dhe mendimin e ekspertëve. nga Këshilli i Evropës”, tha Lajçak.

“Jam i bindur se draft-statuti evropian respekton plotësisht rendin juridik të Kosovës. Ne kemi pasur parasysh sa më shumë vijat e kuqe të të dyja palëve. Është një mënyrë evropiane për të trajtuar çështjen e ndjeshme të të drejtave dhe mbrojtjes së pakicave dhe pasqyron praktikat më të mira evropiane. Kjo është arsyeja pse unë do të argumentoja se ajo që funksionon për shtetet anëtare të BE-së dhe Këshillin e Evropës – dy organizatat ndërkombëtare në të cilat Kosova dëshiron të anëtarësohet – duhet patjetër të jetë e pranueshme për Qeverinë e Kosovës”.

“Për më tepër, procedura e parashikuar në marrëveshjet e 2013 dhe 2015 përmban dy ‘kontrolle sigurie’ në lidhje me kushtetutshmërinë e statuteve të Shoqatës/ZSO – një fren sigurie, nëse dëshironi. Pas harmonizimit në kuadër të dialogut, ku fillimisht deklaron qeveria, Statuti do t’i referohet Gjykatës Kushtetuese të Kosovës për shqyrtim, që do të thotë se fjalën e ka edhe gardiani i Kushtetutës së Kosovës. Kështu që unë ju pyes – çfarë mund të shkojë keq? Si mund të jetë Asociacioni i dëmshëm apo i rrezikshëm për Kosovën nëse fjalën e fundit për Statutin e ka Gjykata Kushtetuese?”, ka thënë Lajçak.