Përfaqësuesja Speciale e Sekretarit të Përgjithshëm dhe Shefja e UNMIK-ut, Caroline Ziadeh, është pritur sot në takim nga emisari special i dialogut Kosovë-Serbi, Miroslav Lajcak, në Bruksel.

Lajcak në një postim në rrjetin social “Twitter” ka shkruar se në këtë takim diskutua për zhvillimet e fundit në Kosovë.

Ai tha se po ashtu e informoi Ziadeh për zhvillimet në dialog, përpara raportimit të ardhshëm për Kosovën në Këshillin e Sigurimit të OKB-së.

“Kam mirëpritur Caroline Ziadeh (UNMIK Kosova) sot në Bruksel. Ne krahasuam shënimet mbi zhvillimet e fundit në Kosovë dhe unë informova për gjendjen në Dialog përpara raportimit në Këshillin e Sigurimit të OKB-së”, ka shkruar ai.

Welcomed @UNMIKosovo SRSG Ziadeh in Brussels today. We compared notes on the latest developments in Kosovo and I briefed about the state of play in the Dialogue ahead of the upcoming UNSC debate. pic.twitter.com/OarNzM8OG8

— Miroslav Lajčák (@MiroslavLajcak) September 30, 2022