Emisari i posaçëm i Bashkimit Evropian për dialogun Kosovë-Serbi, Miroslav Lajçak në përpjekjen e vazhdueshme për t’i koordinuar veprimet për dialogun ndërmjet dy vendeve, ka takuar mbrëmë diplomatin gjerman dhe të dërguarin e Berlinit për Ballkanin Perëndimor, Manuel Sarrazin. Diplomati sllovak ka falënderuar Gjermaninë për mbështetje në këtë proces.
“Dje pata gjithashtu një diskutim të rëndësishëm me drejtorin politik dhe të dërguarin e Ballkanit Perëndimor, Sarrazin për gjendjen e lojës dhe hapat e ardhshëm në dialog. Faleminderit për mbështetjen e fortë dhe të zëshme gjermane në punën time dhe përkushtimin e plotë në përpjekjet tona të përbashkëta”, ka shkruar Lajçak sot në Twitter.
Ndryshe, Kosova dhe Serbia që nga viti 2011 zhvillojnë dialog në Bruksel, i cili ka rezultuar me nënshkrimin e 33 marrëveshjeve, shumica prej të cilave nuk janë zbatuar. Dialogu që është riaktivizuar së fundit synim normalizimin e raporteve ndërmjet dy shteteve.
Yesterday, I also had an important discussion with @GermanyDiplo Political Director Bellmann and 🇩🇪 Western Balkan Envoy Sarrazin about state of play and next steps in the Dialogue. Grateful for strong and vocal 🇩🇪 support to my work and full commitment to our joint efforts. pic.twitter.com/qA3OT6BZ3O
— Miroslav Lajčák (@MiroslavLajcak) February 2, 2023