Pas takimit me krerët shtetërorë, përfaqësuesi special i Bashkimit Evropian për dialogun Kosovë-Serbi, Mirosllav Lajçak ka pritur në takim edhe krerët e opozitës në Kosovë.

Lajçakut për takim në zyrën e BE-së në Prishtinë i kanë shkuar kryetari i PDK-së, Memli Krasniqi, kryetari i LDK-së, Lumir Abdixhiku dhe kryetari i AAK-së, Ramush Haradinaj.

Lajçak po qëndron për vizitë zyrtare sot në Kosovë, derisa dje, krerët opozitarë i takoi edhe i dërguari i posaçëm i SHBA-së për Ballkanin Perëndimor, Gabriel Escobar.