Lajme
Lajçak jep detaje nga takimi që pati me Vuçiqin e Petkoviqin, u diskutua për zbatimin e Marrëveshjes
Demokracia
14:24 | 12 Maj 2023

Share:

Përfaqësuesi i Bashkimit Evropian për dialogun Kosovë-Serbi, Miroslav Lajçak, ka njoftuar së në kryeqytetin serb Beograd, është takuar me presidentin serb Aleksandar Vuçiq dhe me kryenegociatorin serb Petar Petkoviq.

Lajçak në Twitter ka thënë se takimi i paralajmëruar të hënën në nivel kryenegociatorësh është mundësi e mirë për t’i adresuar çështjet e dialogut.

“Në Beograd u takova me presidentin serb Aleksandar Vuçiq dhe drejtorin Petar Petkoviq për të diskutuar rrugën përpara për zbatimin e Marrëveshjes. Takimi i kryenegociatorëve të hënën e ardhshme është një mundësi e mirë për të rënë dakord për hapat konkretë të ardhshëm” – ka shkruar ai.

Lajçak dje ka qëndruar në Kosovë, ku ka takuar kryeministrin Albin Kurti, kryetarin e Mitrovicës Jugore, Bedri Hamzën, përfaqësuesit e shoqërisë civile në veri si dhe përfaqësuesit e Listës Serbe.

Të ngjashme