Përfaqësuesi special i Bashkimit Evropian për dialogun midis Kosovës dhe Serbisë, Miroslav Lajçak, bisedoi sot në Bruksel me zyrtarin e Departamentit të Shtetit të ngarkuar për Ballkanin Perëndimor, Matthew Palmer, për rajonin dhe dialogun.
Kjo u njoftua nga Lajçak në Twitter me një foto nga takimi. “Jam i lumtur që kam pritur mikun tim Matthew Palmer në Bruksel. Nuk është për t’u habitur që ne biseduam për Ballkanin Perëndimor dhe dialogun,” shkroi Lajçak.
Sipas njoftimeve nga Brukseli, dialogu midis Beogradit dhe Prishtinës duhet të vazhdojë në qershor.
