Gjatë finales së Big Brother VIP Albania, Laerti pati një moment të paharrueshëm, plot emocion dhe surpriza.

Pas një videoklipi që përmbledh gjithë rrugëtimin e tij në shtëpi, ai mori një kuti ngjyrë ari, e cila mbante emrin e tij.

Kur e hapi atë, brenda gjeti një çeleshe, një simbol që e drejtonte drejt një tjetër surprize të madhe.

Menjëherë pas kësaj, një grup valltarësh të veshur me rroba kombëtare hyjnë në shtëpi dhe e ftojnë Laertin të bashkohej me ta në festën tradicionale që do të zhvillohej në një hapësirë tjetër të shtëpisë.

Atmosfera u bë menjëherë festive dhe ngjyrat tradicionale mbushën shtëpinë me një energji të jashtëzakonshme.

Por, momenti më emocionues i natës erdhi kur Laerti doli në një hapësirë tjetër dhe përballë tij u shfaq nena e tij, e cila ishte bërë virale gjatë këtij edicioni për shprehjen e saj të njohur “Sagapao Laerti”.

Takimi i tyre i ngrohtë e emocionoi thellë Laertin, i cili pati mundësinë të takohej jo vetëm me nënën, por edhe me pjesëtarë të tjerë të familjes së tij, duke bërë që ky moment të bëhej edhe më i veçantë.

Pas këtyre takimeve emocionuese, Laerti u ul për të shijuar një performancë valltarësh dhe këngëtarësh popullorë, të cilët e mbushën shtëpinë me ritmet e traditës.

Kjo natë e mbushur me emocione dhe festë ka qenë një moment i paharrueshëm për Laertin, i cili ka mundësinë të ndajë këto momente të veçanta me ata që i japin mbështetje dhe dashuri në çdo hap të rrugëtimit të tij. /Telegrafi/