Paraqitje e Vedat Muriqit në fundjavën që lamë pas kundër kampionëve në fuqi të Spanjës, Atletico Madridit ka impresionuar edhe faqen zyrtare të La Ligas.
Këta të fundit kanë publikuar fotografinë e reprezentuesit kosovar në kopertinën e faqes zyrtare në Facebook, raporton Demokracia.com.
La Liga e ka prezantuar Vedat Muriqin në fotografinë e kopertinës para mbi 75 milionë personave që e ndjekin këtë faqe në rrjetin social.
Sulmuesi nga Prizreni i siguroi fitoren skuadrës së tij, Mallorcës në ndeshjen kundër Atletico Madridit duke realizuar golin e vetëm në fitoren 1:0.
Muriqi realizoi nga penalltia në takimin e vlefshëm për xhiron e 31-të kampionale.
Kujtojmë se Vedat Muriqi është i huazuar te Mallorca nga Lazio deri në fund të edicionit me mundësi të blerjes së kartonit./Demokracia.com/