Më 17 shkurt të vitit 2008, Kosova shpalli pavarësinë dhe menjëherë pas kësaj erdhën njohjet e para.

Bazuar në listën e njohjeve të publikuar nga Ministria e Punëve të Jashtme, deri më tash pavarësinë e Kosovës e kanë njohuar 117 shtete.

Sipas kësaj liste, vendi i parë që e ka njohur Kosovës si shtet ishte Republika e Kosta Rikës, përcjell Demokracia.com

Njohja nga ky shtet erdhi pikërisht në ditën kur Kosova shpalli pavarësinë.

Një ditë më pas, pavarësinë e Kosovës e njohën edhe Shtetet e Bashkuara të Amerikës, Franca, Shqipëria, Turqia, Afganistani, Australia, Senegali, Gjermania, Letonia, Danimarka, Estonia, Italia, Luksemburgu, Peruja, Belgjika, Polonia, Zvicra, Austria, Iralnda, Suedia, Islanda, Sllovenia, Finlanda, Japonia dhe Kanadaja.

Ndërsa njohja e parë faktike u bë nga Britania e Madhe e cila pak ditë pas shpalles së pavarësisë dorëzoi dokumentimin e njohjes së Kosovës.

Shteti i fundit që e ka njohur pavarësinë e Kosovës është Izraeli.

Më 4 shtator, Presidenti i Shteteve të Bashkuara të Amerikës, Donald Trump tha se Kosova dhe Izraeli janë pajtuar që të normalizojnë raportet dhe të vendosin marrëdhënie diplomatike.

Këtë deklaratë ai e bëri në Shtëpinë e Bardhë, ku u nënshkrua marrëveshja për normalizimin ekonomik ndërmjet Kosovës dhe Serbisë./Demokracia.com/