Një varg grupesh të armatosura të financuara nga Irani në të gjithë rajonin po nisin sulme ndërsa po vazhdon konflikti në Gaza, duke përfshirë një sulm me dron që vrau tre ushtarë amerikanë në Jordani.

Rezistenca Islamike në Irak

Përgjegjësia për sulmin vdekjeprurës ndaj forcave amerikane gjatë fundjavës u mor nga Rezistenca Islamike në Irak, një emër ombrellë i shfyrtëzuar nga një numër grupesh të mbështetura nga Irani në Irak.

Grupet nën flamurin e tyre janë përfshirë në operacione të armatosura kundër trupave amerikane me bazë në Irak dhe Siri, që rrjedhin nga roli i Amerikës në luftën Izrael-Hamas.

Përdorimi i markës gjenerike mund të ndihmojë për të fshehur faktin se cili grup saktësisht po kryen sulme të caktuara, sipas Institutit të Uashingtonit.

Thinktank argumenton se fakti që ata koordinohen nën një markë është i rëndësishëm, pasi zakonisht ata priren të “ruajnë me xhelozi” identitetet e tyre individuale dhe kredinë për sulme.

“Gatishmëria e tyre për t’i fshehur këto identitete… sugjeron se një fuqi më e lartë po i koordinon ato”, shtoi ai, duke drejtuar gishtin nga Korpusi i Gardës Revolucionare Islamike të Iranit (IRGC).

Rezistenca Islamike në Irak besohet të përfshijë grupe të tilla si:

Tashkil al-Waritheen (Trashëgimtarët)
Kataib Hezbollah (Batalionet e Partisë së Zotit)
Asaib Ehl al Hak (Lidhja e të Drejtëve)
Harakat Hezbollah al Nujaba (Lëvizja e Partisë së Fisnikëve të Zotit)
Kataib Sayyid al Shuhada (Mjeshtrat e Brigadës së Dëshmorëve)
Organizata Bedr

Brigada Zaynabiyoun (Siri)

Brigada Zaynabiyoun është një milici shiite e krijuar nga Garda Revolucionare dhe degët e saj.

Origjina e saj mund të gjurmohet në sulmet kundër xhamisë Sayyidah Zeyneb në Damask në vitin 2015, e cila ishte në shënjestër të militantëve sunitë, për të cilat disa nga shiitët e parë pakistanezë u rekrutuan nga Irani për të luftuar, sipas Fondacionit Kërkimor Observer me qendër në Indi.

Ajo u ngrit rreth kohës së luftës civile siriane dhe u përfshi në luftimet kundër Shtetit Islamik.

Në vitin 2019, grupi u sanksionua nga Thesari i SHBA-së për mbështetjen e Forcës Qods të IRGC-së dhe abuzimet e të drejtave të njeriut në Iran.

Divizioni Fatemiyun (Siri)

E krijuar në vitin 1980, Divizioni Fatemiyoun është një milici afgane e përbërë kryesisht nga refugjatët Hazara prej Afganistanit që jetojnë në Iran.

Që nga viti 2014, ajo është vendosur nga IRGC e Iranit për të luftuar në Siri përkrah forcave të regjimit të Bashar al-Assadit.

Ngjashëm me Brigadën Zaynabiyoun, Divizioni Fatemiyoun u sanksionua nga Thesari i SHBA-së në 2019 për mbështetjen e Forcës Qods të IRGC-së dhe abuzimet e të drejtave të njeriut në Iran.

Ajo është akuzuar për përfshirje në krime lufte, me Human Rights Watch që pretendon se fëmijët afganë deri në 14 vjeç kanë luftuar në radhët e saj pasi u rekrutuan nga IRGC.